Америкалик ва россиялик олимлар саратон касалликларига ташхис қўйиш ҳамда даволашда қўллаш мумкин бўлган 22 нанометрли спазерни яратди. Бу ҳақда «Наука» хабар бермоқда.
Мазкур плазмонли нанолазер олтин заррасидан иборат резонатор, бўёқ модда — уранин билан тўлдирилган қобиқ ва унга қопланган фолийли ишқордан ташкил топган. У организмга киритилганда саратон ҳужайраси чегарасида тўпланади ва 10 дақиқада ситоплазмага ўтади. Шу аснода қизий бошлайди ва уни турли оптик услублар ёрдамида осонлик билан топса бўлади.
Спазерлар нафақат саратон ҳужайраларини аниқлаши, балки йўқ қилиши ҳам мумкин: улар касал ҳужайрага кириб борганида уни ўлдирмайди. Бироқ лазер нурланиш ёрдамида таъсир кўрсатилса, саратон ҳужайрасини ичидан тилка-пора қилади. Спазер бундай нурланиш бўлиши ёки бўлмаслигидан қатъий назар, соғлом ҳужайрага тегинмайди.
Ҳозирда тадқиқотчилар инфрақизил йўналишда ишлайдиган спазер устида ишламоқда. Шунда айрим кўрсаткичлар, жумладан, тўқималар шаффофлигини яхшилаш имконяти туғилади.
Изоҳ (0)