Қуёш тизими тадқиқотлари институти (Геттинген, Германия) ходими Рене Хеллер ўзга сайёраликлар мурожаатини имитация қилувчи аудиохабарни сунъий равишда яратди ва уни Facebook ҳамда Twitter’да жойлаштириб, фойдаланувчиларни маъносини топишга чақирди. Бу ҳақда «ТАСС» хабар бермоқда.
Астрофизик ижтимоий тармоқ фойдаланувчиларига Ер ўзидан, тахминан, 50 ёруғлик йили узоқликдаги масофада жойлашган манбадан радиоимпулслар туркумидан иборат сигнал олганини тасаввур этишни таклиф этди.
Хабарни яратиш давомида Хеллер Ердан коинотга сигнал узатишда қўлландиган услублардан фойдаланди. У икки миллионга яқин рақамни ўз ичига олганди.
Фойдаланувчилар олимга йўллаган 300 та жавобдан 66 таси тўғри бўлиб чиқди. Тўғри жавоб йўллаганларнинг ярми жумбоқни мустақил ечган, қолганлари жамоавий ёки баҳслар ёрдамида жавоб топган. Бунинг учун уларга бир ойдан кўпроқ вақт кетди.
Изоҳ (0)