Ер қаридаги сувнинг миқдори барча окенлардаги сув миқдорига тенг. Олимларнинг бу каби хулосага келишига вулқон жинсларини ўрганиш давомида сувга бой қолдиқларга дуч келганлиги сабаб бўлди, деб хабар берди «Наука».
410—660 километр чуқурликда, Ер мантиясидаги сувнинг кўриниши бироз бошқача: у ионлардан тузилган минерал кристалл кўринишда, дея маълум қилди New Scientist.
Бундан шундай хулоса келиб чиқадики, Ер қаридаги сувлар сайёранинг бирор-бир астероид ёки комета каби ташқи факторлар билан тўқнашишидан ҳосил бўлган эмас. Германиялик олимлар ўзларининг тахминлари асосли эканлигинига ишонч ҳосил қилиш мақсадида лабораторияда тажриба ўтказди.
Геофизик ва сейсмик кўрсаткичлар қуйи мантиянинг қайишқоқлиги юқори мантияникидан паст эканлигини кўрсатди.
Тажрибада фойдаланилган қатлам қайишқоқлиги синтетик бўлмаган жинсларники билан ўзаро мос келмоқда: оливин вулқон минерали гуруҳига кирувчи рингвудит — сувга тез тўйинади. Бу мантиянинг ўтиш зонаси қуруқ эмас, балки нам эканлигидан далолат беради.
«Мантия остида жойлашган сувнинг улкан ҳажми қандай қилиб у ерга тушиб қолган. Ёки у мантия қаттиқлашгунига қадар ўша ерда бўлганми. Бу Қуёш тизимидаги бошқа сайёрларга ҳам тегишли бўлган Ер эволюциясининг асосий саволидир», — деди Иллинойс университетидан бўлган Стивен Якобсон.
Изоҳ (0)