Америкалик олимлар сут бези саратонининг энг тажовузкор шаклини енгишга муваффақ бўлди, деб ёзади «РИА Новости». Даволаш чоғида беморнинг иммунитетини кучайтирувчи антижисмлардан фойдаланилди.
«Дори биз даволаётган аёлларнинг ҳаммасига эмас, баъзиларигагина таъсир қилди, аммо бу ҳолатларнинг барчасида у саратонни баратараф қилиш вазифасини яхши эплади ва унинг таъсири узоқ вақт давомида барқарор бўлиб турди», — деди Нью-Йорк университети олими Сильвия Адамс.
Чикагодаги Америка клиник онкология жамияти конференциясида тадқиқот натижалари эълон қилинди. Биринчи синов гуруҳидаги аёлларнинг 5 фоизида, иккинчи гуруҳдаги аёлларнинг 23 фоизида шиш ҳажмини 30 фоизга камайтиришга, аёлларнинг тегишли равишда 21 ва 17 фоизида эса метастазнинг ривожланишини тўхтатишга муваффақ бўлишди.
Иммунотерапия усули шундан иборатки, шифокорлар антижисмлардан бемор иммунитетини зарарланган ҳужайраларга қарши «қайраш» учун фойдаланади. Соғлом ҳужайралар оқсилларнинг хатарли ҳужайралар юзасида ишлашига йўл қўймайди, ва шу тариқа уларнинг тажовузкорлигини чеклайди.
Изоҳ (0)