Россия президенти Владимир Путин Украина шарқидаги вазият бўйича АҚШ собиқ президенти Барак Обама билан доимий алоқада бўлган. Бу ҳақда Россия етакчиси америкалик режиссёр Оливер Стоунга берган интервьюсида маълум қилди, деб ёзади «Корреспондент.net».
«Биз телефон орқали доимий равишда алоқада бўлганмиз, деса ҳам бўлади», — деди Путин.
Шу билан бирга, уларнинг битимга келган-келмаганлиги ҳақидаги саволга Россия президенти «йўқ» деб жавоб берди. Аммо Россия етакчиси Обама билан музокаралари ҳамиша иш юзасидан бўлганлигини айтди.
«Украинадаги инқироз сабаблари ва унинг бориши ҳақида бизнинг фикрларимиз турлича эди. Музокаралар иш юзасидан олиб борилар эди. Улар қарама-қаршилик эмас, балки манфаатдорликка асосланган эди», — дея таъкидлади Путин.
Изоҳ (0)