«Ўзбекконцерт» давлат муассасаси томонидан «Ниҳол» мукофоти соҳиби, хонанда Дилмурод Султоновнинг лицензияси бекор қилинди. Бу ҳақда «Ўзбекконцерт» матбуот хизмати хабар бермоқда.
Давлат муассасасининг Концерт-томоша фаолиятини лицензиялаш бошқармаси бошлиғи Одилжон Абдуқаҳҳоровнинг журналист Феруз Муҳаммадга маълум қилишича, Дилмурод Султонов лицензияси бекор қилинишидан аввал «Ўзбекконцерт»нинг ҳудудий бўлими томонидан огоҳлантирилган.
Сўнгги вақтларда республика миқёсидаги тадбирларда ҳам иштирок этаётган хонанда Дилмурод Султонов ҳудудларда бўлаётган тадбирларни менсимай қўйди. Хусусан, Хоразм вилоятидаги тадбирларни назарига илмай, уларга бормади.«Ўзбекконцерт»нинг ҳудудий бўлими томонидан бир неча марта огоҳлантирилганига қарамай, у тадбирларга бормаслик учун асоссиз баҳоналар тўқиди. Шу муносабат билан, Дилмурод Султонов номига берилган лицензиянинг амал қилиши 2017 йил 12 июндан тугатилди.
Одилжон Абдуқаҳҳоров, «Ўзбекконцерт» бошқарма бошлиғи
Изоҳ (0)