Буюк Британия бош вазири Тереза Мэй у бошчилигидаги консерватив партия 8 май кунги сайловларда парламентдаги кўпчиликни сақлаб қола олмагандан сўнг истеъфога чиқиши мумкин. Бу ҳақда Citigroup молиявий корпорацияси маълум қилди, деб ёзади «ТАСС».
«Умумий палатада янада кўпчиликни эгаллашга заиф ва муваффақиятсиз уриниш деб баҳоланган сайлов кампаниясидан сўнг Тереза Мэй истеъфога чиқиши кутилмоқда», — дейилади баёнотда.
«Олдинда беқарорлик даври кутилмоқда», — дейди Citigroup экспертлари.
Буюк Британия Консерватив партияси куни кеча бўлиб ўтган муддатидан олдинги сайловларда парламентдаги кўпчилик ўрнидан маҳрум бўлди. Овозлар ҳисоб-китоби ҳали ҳам юритилмоқда, бироқ 650 ўриннинг яримидан кўпини консервативлар энди эгаллай олмайди.
Якуний натижалар эълон қилингандан кейин Тереза Мэй мурожаат билан чиқиш қилиши кутилмоқда. Консерватив партия етакчиси ўзининг бундан кейинги сиёсий тақдири ҳақида қандай қарор қабул қилиши мурожаат якунида маълум бўлади.
Изоҳ (0)