Экология ва атроф-муҳитни муҳофаза қилиш давлат қўмитаси Бирлашган Миллатлар Ташкилотининг Ўзбекистондаги Тараққиёт дастурининг ваколатхонаси билан ҳамкорликда Тошкент вилояти Бўстонлиқ туманидаги тоғолди ҳудудларини тозалаш бўйича экологик акция ўтказди, бу ҳақда қўмита ўзининг Facebook’даги саҳифасида хабар берди.
Юзга яқин кўнгиллилар билан табиатни турли чиқиндилардан тозалаш мақсадида «Қоронқул» қишлоғининг тоғолди ҳудудидан оқиб ўтувчи сой атрофи кўздан кечирлди. Бу ерда жойлашган «Келажак учун» болалар соғломлаштириш лагерининг орқа ҳудудидаги аҳвол жуда ёмонлиги аниқланди. «Мен табиат билан биргаман!» шиори остида ўтказилган ободонлаштириш ишларида бир километр масофадаги майдондан йигирма қопдан зиёд чиқинди йиғилган.
Бўстонлиқ тумани ҳудуди Угам—Чотқол давлат миллий табиий боғи тизимига киради. Бу ерни айни пайтда одамлар энг кўп келувчи дам олиш маскани ҳисобланади. Сайёҳлар томонидан дам олиш жойларида ташлаб кетилган полиэтилен халталар ва идишлар, озиқ-овқат маҳсулотлари қолдиқлари атроф-муҳитга жиддий хавф солади. Ушбу чиқиндилар туфайли боғ ҳудудидаги ҳайвонларнинг ҳалок бўлган ҳолатларига кўп дуч келаман.Акромжон Ғуломов, Табиатни муҳофаза қилиш инспекцияси етакчи мутахассиси
Изоҳ (0)