Тошкент шаҳридаги Radisson Blu меҳмонхонасида АҚШ Халқаро тараққиёт агентлиги (USAID) «Қишлоқ хўжалигида қиймат занжирини ривожлантириш» (АVS) лойиҳаси доирасида Қишлоқ ва сув хўжалиги вазирлиги билан ҳамкорликда анъанавий гилос кўрик-танловини ташкил этди. Бу ҳақда АҚШнинг Ўзбекистондаги элчихонаси маълум қилди.
USAID Ўзбекистондаги ваколатхонаси директори Жон Риордан тадбирда иштирок этаётган фермер хўжаликлари, агробизнес корхоналари ҳамда давлат ташкилотлари вакиллари, шунингдек, қишлоқ хўжалиги соҳасида фаолият юритувчи маҳаллий ва хорижий экспертларни қутлади.
Танловда Ўзбекистоннинг барча вилоятларидан келтирилган ўнлаб гилос навлари бозорбоплиги, йириклиги ва сифати бўйича 3 хил йўналишда намойиш этилди. Бундан ташқари, «Энг зўр гилос» номинациясида алоҳида соврин тақдим этилди.
Мазкур тадбир иштирокчиларга турли вилоятлардан келган ҳамкасблари билан тажриба алмашиш, гилос етиштириш, қадоқлаш, сақлаш ва транспортда ташишнинг янги усуллари ҳакидаги семинар-тренингда ўзаро фикр алмашиш имкониятини яратди.
Маълумот учун, бугунги кунда Ўзбекистон 100 000 тонна ҳажм билан жаҳонда гилос етиштириш бўйича бешинчи ўринни эгаллаб турибди.
Изоҳ (0)