Президент Шавкат Мирзиёев ҳамда Покистон бош вазири Навоз Шариф ўртасида бўлиб ўтган учрашувда асосий эътибор икки мамлакат ўртасидаги ҳамкорликнинг бугунги ҳолати ва уни янада ривожлантириш истиқболлари, минтақавий хавфсизликни мустаҳкамлаш масалаларига қаратилди, деб хабар берди ЎзА.
Ўзбекистон Покистоннинг ШҲТга аъзо давлат сифатида қабул қилинишини қўллаб-қувватлаб, ташкилотга раислиги даврида бу масалага алоҳида эътибор қаратди.
Ушбу икки мамлакат халқаро майдонда бир-бирини қўллаб-қувватлаб келмоқда. Ўзбекистон ва Покистон ўртасидаги сиёсий, савдо-иқтисодий, маданий-гуманитар ва бошқа соҳаларда давлатлараро, ҳукуматлараро ва идоралараро 50 га яқин ҳужжат имзоланган. Ўзбекистонда Покистон билан ҳамкорликда ташкил этилган 55 корхона фаолият кўрсатмоқда.
Ўзбекистон Покистонга пахта толаси, кўнчилик хом ашёси, транспорт ва туризм хизматларини экспорт қилади. Покистон Ўзбекистонга дори воситалари, кимё ва қишлоқ хўжалиги маҳсулотлари етказиб беради, транспорт хизматини кўрсатади.
Изоҳ (0)