Филиппинда ИШИД билан боғлиқ жангарилар католик черкови биносини ёқиб юборди. Бу ҳақда Daily Mail манбаларига таяниб, «Газета.ru» хабар бермоқда.
Нашр эълон қилган видеода террорчилар Маравидаги черковда ҳайкалларни синдираётгани, Рим папаси Франциск суратларини йиртиб ташлаётгани, сўнг бинони ёқиб юборгани акс этган.
Филиппин ҳукумат кучлари ва «Мaut» гуруҳи ўртасидаги тўқнашувларда шу кунгача 120 нафар жангари ўлдирилди, 38 нафар аскар ва полициячи ҳалок бўлди. Мамлакат президенти Родриго Дутерте жангарилар билан музокаралар олиб бормаслигини билдирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.