Журналист террорчиларга уни 60 минг доллар эвазига ўлдиришни таклиф қилди

Ижтимоий тармоқ фойдаланувчилари ИШИД террорчиларига 50 минг фунт (64 минг доллар) эвазига уни ўлдиришни таклиф қилган New York Observer газетаси колумнисти Андре Уокерга эътибор қаратди, деб ёзади The Independent.

Уокер Темза дарёси фонида қўлида икки дастали қилични тутган ҳолда суратга тушди ва ўз боши учун мукофот эълон қилди. «Мен сизга манзилни бераман, полиция бўлмайди. Аммо менда қилич бор, шундай экан, омад!» — дея изоҳ ёзди у ўз суратига. Кейинроқ у твитни ўчириб ташлади ва обуначиларига «шунчаки адолатли жангда мусобақалашиш учун ўзига тенг кучли рақибни излагани»ни айтди.

Ижтимоий тармоқ фойдаланувчилари Уокернинг жасоратини мақтади, аммо унга Лондон кўчаларида икки дастали қилич кўтариб юриш қонунга зид эканлигини эслатди. Баъзилар унга самаралироқ қурол топишни маслаҳат берди, масалан, нурли қилич, қармоқ ёки француз багети.