ИШИД Филиппин пойтахтидаги Resorts World Manila меҳмонхонасида уюштирилган отишма учун жавобгарликни зиммасига олди. Бу ҳақда New York Post манбаларига таяниб, «Корреспондент.net» хабар бермоқда.
Филиппин расмийлари ИШИД террорчиларининг меҳмонхона комплексига ҳужумга алоқадорлигини рад этмоқда.
«Ҳозирда Resorts World Manila отишма ҳақидаги хабарлардан сўнг ўраб олинган. Компания меҳмонлар ва ходимлар хавфсизлигини кафолатлаш учун Филиппин миллий полицияси билан яқин ҳамкорлик қилмоқда», — дейилади меҳмонхона эгаси бўлган компания хабарида.
Террорчилар фаоллигини мониторинг қилувчи SITE Intelligence Group ташкилоти ИШИДнинг мазкур ҳужумга алоқадорлигини тасдиқлади.
Полиция маълум қилишича, милтиқ билан қуролланган шахс бир ўзи Resorts World Manila меҳмонхонасидаги казинони талашга уринган ва ўйин столларини ёқиб юборган, шундан сўнг муассасада ёнғин юзага келган. Ҳодиса оқибатида 36 киши ҳалок бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)