АҚШнинг иқлим бўйича Париж келишувидан чиқиши халқаро ҳамжамиятнинг парник гази ташланмалари ҳажмини қисқартириш ва глобал хавфсизликни таъминлаш бўйича уринишларини йўққа чиқаради. Бу ҳақда БМТ бош котиби Антониу Гутерришнинг баёнотида маълум қилинди.
БМТ бош котиби АҚШ шаҳарлари, штатлари ва хусусий корхоналари, шунингдек, сайёранинг бошқа давлатлари паст углеродли ва барқарор иқтисодиётни ривожлантириш йўналишида ишлашига ишонч билдирди.
АҚШнинг иқлим бўйича битимдан чиқиши ҳақида Дональд Трамп куни кеча, 1 июнь куни маълум қилди.
АҚШ собиқ президенти Барак Обама Трампнинг қароридан афсусда эканлигини маълум қилди. Битим унинг президентлик бошқаруви даврида имзоланган эди. АҚШ президентлигига собиқ номзод Ҳиллари Клинтон қарорни «тарихий хато» деб атади. Оқ уй қарорини Евроиттифоқ ҳам қоралади.
Изоҳ (0)