Кўз атрофи ва бўйин терилари учун қаришга қарши кремлар — одатдаги воқеалар бўлиб қолди, лекин танамизнинг икки соҳаси гўзаллиги орқасидан қувиш туфайли биз ёшимизни яққол намоён қилувчи тирсак ва тиззаларимиз териси тўғрисида бутунлай унутиб қўйдик.
Ёш ўтган сайин табиий коллаген ишлаб чиқаришнинг секинлашиши айниқса терининг шу соҳаларида билиниб қолади: уларнинг доимий чўзилиши ажинлар пайдо бўлишига ва тери салқишига олиб келади.
Лекин умидсизликка тушишга шошилманг! Дерматологлар томонидан уй шароитида қўлланиладиган қуйида келтирилган оддий усуллар сизга тирсаклар ва тиззалардаги терилар кўринишини тиклашга ёрдам беради.
Терини парваришловчи воситаларни кислоталар билан алмаштириб туринг
Муаммо: Ёш улғайган сари тирсак ва тиззалар териси юзасида ўлик ҳужайралар қатлами йиғилиб қолиши сабабли улар жонсиз ва дағал кўриниб қолади. Гликол кислотаси елимсифат оқсилларни суюлтиришга ёрдам беради. Мунтазам равишда бундай кислоталарни қўллаш натижасида бу соҳалар юмшоқ, текис ва ёшроқ кўринишга эга бўлади.Тадбир режаси: Модомики бу соҳалардаги дағаллашган тери нозик муомалага муҳтож бўлмагани учун сиз таркибида кислота миқдори 12 дан 20 фоизгача бўлган алфагидроксикислот воситаларини танлашингиз мумкин. Бу воситани кунора ухлашдан олдин суринг. Агар 2 ҳафта давомида сизда безовталик пайдо бўлмаса, уни ҳар куни қўллашингиз мумкин.
Намлантирувчи воситангизни ўзгартиринг
Муаммо: Агар сиз танангиз учун фойдаланадиган одатдаги лосьон букиладиган жойлардаги ўлик ҳужайралар қатламини юмшата олмаётган бўлса, таркибида мочевина, кучли намловчи, бир вақтнинг ўзида терини намлайдиган ва оқсил қатламларини суюлтирувчи моддалар бўлган воситаларни танланг.Тадбир режаси: Таркибида 20-40% мочевинаси бўлган лосьонни 1-2 ҳафта давомида, бир кунда 2 марта суринг.
Қорамтирликдан қутулинг
Муаммо: доимий равишда ишқаланиш ва бўғимларга бўлган босим — компьютерда ишлаш вақтида тирсакларни стол устида ушлаш, спорт залларида тизза устидаги машқлар — бу ва бунга ўхшаш ҳаракатлар гиперпигментациянинг ривожланишига олиб келувчи кучсиз яллиғланишни келтириб чиқаради. Натижада бу соҳалар териси қорамтир тусга киради. Одатда, бу қорайишлар 40 ёшдан кейин билинади.Тадбир режаси: Теридаги қорайишларни 1 фоизли гидрокортизонни 2 ҳафта давомида, бир кунда 2 мартадан суриш ёрдамида кетказиш мумкин.
Ажинлар сонини камайтиринг
Муаммо: вақт ўтиши билан тананинг бошқа соҳаларидаги каби тирсак ва тиззалар териси ҳам буришиб қолади. Коллаген ишлаб чиқаришни янги куч билан ишлашга мажбур қилиш қобилиятига эга бўлган косметик маҳсулотлар — ретинол, пептидлар ва ўсиш факторлари аста-секинлик билан бу соҳалар терисига олдинги куч ва тарангликни қайтаради.Тадбир режаси: Коллаген ишлаб чиқаришга ёрдам берадиган воситаларни бир неча ой давомида суришга тўғри келади, лекин натижа кутилганидек бўлади.
Машқлар бажаринг
Муаммо: Мушак ва суяк массаларининг йўқолиши тирсак ва тиззалар терисининг осилиб қолишига олиб келади. Куч ишлатиб бажариладиган машқлар мушаклар кучини ва ҳажмини сақлашга имкон беради, бу эса тери осилиб қолишига барҳам беришга ёрдам беради.Тадбир режаси: Куч ишлатиладиган машқларни бир ҳафтада 2-3 марта бажариш 10 ҳафта ичида мушаклар массасининг ошиши ва суяклар мустаҳкам бўлиши учун етарли бўлади.
Манба: «Woman.ru»
Изоҳ (0)