Ўзбекистон Президенти Шавкат Мирзиёев қарори билан Тошкент—Термиз ва Ғузор—Чим—Кўкдала автойўллари таъмирланиши бўйича лойиҳаларнинг амалга ошириш муддатлари узайтирилди. Бу ҳақда Norma хабар бермоқда.
«Тошкент—Термиз автойўлини таъмирлаш» лойиҳаси бўйича (Ислом тараққиёт банки иштирокида) 35 километр масофадаги ишлар тўлиқ бажарилган ва 18 та кўприк қурилган. Қолган 65 километр масофада йўл ишларининг бажарилиши 60, кўприклар таъмирида эса 62 фоизни ташкил этмоқда.
Қолган йўл-қурилиш ишлари 2018 йил, 21 мартга қадар якунланиши лозим. Лойиҳанинг амалга оширилиш умумий муддати 2018 йил 1 октябрга қадар узайтирилди.
«Ғузор—Чим—Кўкдала автойўлини таъмирлаш» лойиҳаси (Саудия тараққиёт фонди ва Кувайт фонди иштирокида) 24,8 километр йўл ишлари бажарилган, 2 кўприк 60 фоизга таъмирланган, транспорт чорраҳалари қурилиши 90 фоизга бажарилган.
Мазкур лойиҳа доирасидаги ишларни 2018 йил, 1 ноябргача тугатиш талаб этилмоқда. Лойиҳанинг амалга оширилиши умумий муддати 2019 йил 1 майгача узайтирилади.
Қарорда қўшимча муддатлар тақдим этилиши муносабати билан олинган мажбуриятлар ўз вақтида бажарилмаслиги учун қатъий чоралар белгиланган.
Изоҳ (0)