Россиянинг «Шоколадница» қаҳвахоналар тармоғи Ўзбекистон бозорига чиқишни режалаштирмоқда, деб ёзади UzDaily. Бу ҳақда «Шоколадница»нинг минтақавий ривожланиш ва франчайзинг бўйича директори Максим Трубников маълум қилди.
Унинг маълумотларига кўра, тармоқ франшиза орқали Ўзбекистон бозорларига чиқиш ҳақида музокаралар олиб бормоқда. Нашр таъкидлашича, «Шоколадница» қаҳвахоналар тармоғи «Шоколадница», «Кофе Хауз» ва «Ваби-Саби» тармоқларини бошқаради.
Трубников қайд этишича, компания Грузия ва Ўзбекистон билан ишламоқда, Қозоғистонда брендни очиш бўйича музокаралар фаол бормоқда. У компания Ўзбекистонда камида бешта «Шоколадница» қаҳвахоналарини очишни режалаштираётганини айтди.
«Яқин ойлар ичида шартномалар тузамиз деб ўйлайман», — деди Трубников.
Изоҳ (0)