Бугун,

  • USD 11095.31
  • RUB 173.84
  • EUR 10772.44

Ўзбекистон Президенти Шавкат Мирзиёев 25 май куни «Экспортни янада рағбатлантириш ва маҳаллий маҳсулотларнинг ташқи бозорлардаги рақобатбардошлигини таъминлаш чора-тадбирлари тўғрисида»ги фармонни имзолади, деб ёзади UzDaily.

Фото: UzDaily

Фото: UzDaily

Фармонга кўра, хўжалик субъектлари 1 июндан бошлаб ўзи ишлаб чиқарган маҳсулотларни (янги мева-сабзавот маҳсулотлари, узум, полиз экинлари, шунингдек, бир қатор хом ашё маҳсулотлари бундан истисно) олдиндан тўловсиз, аккредитив очмасдан, банк кафолати расмийлаштирувисиз ва экспорт шартномаси сиёсий ва тижорат хавф-хатари суғурта полисига эга бўлмасдан туриб ҳам чет эл валютасида экспорт қилиши мумкин.

Бунда шартнома суммаси 100 минг доллардан ошмаслиги ва валюта тушумлари маҳсулотлар экспорт қилинган кундан бошлаб 90 кун ичида қабул қилиниши керак.

Тадбиркорлар экспорт қилувчи ташкилот аввал ушбу тартибда амалга оширилган экспорт учун дебиторлик қарзи бўлмаган тақдирда юқоридаги шартлардан фойдаланиши мумкин.

Фармонда таъкидланишича, аввал экспорт қилиш тақиқланган буюмлар ва маҳсулотларни энди Президент ёки Вазирлар Маҳкамасининг қарори билан экспорт қилишга рухсат берилади.

Ўзбекистон раҳбари, шунингдек, экспорт-импорти Вазирлар Маҳкамаси қарори асосида бериладиган лицензия билан амалга оширилувчи махсус товарлар рўйхатидан заргарлик буюмларини истисно қилди.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?