Шри-Ланкада кучли ёғингарчилик натижасида кузатилаётган сув тошқинлари оқибатида ҳалок бўлганлар сони 100 кишига етди, яна 100 киши бедарак йўқолган, деб гумон қилинмоқда.
Бу ҳақда, Шри-Ланка фавқулодда вазиятларга тезкор муносабат билдириш маркази ахборотига асосланиб, «Коммерсантъ» хабар бермоқда.
«14 округда истиқомат қилаётган 200 мингга яқин одам, яъни 52 минг оила табиий офатдан жабр кўрди», — дейилади идора ахборотида.
Хабар беришларича, Шри-Ланка табиий офат оқибатларини бартараф этишда ёрдам сўраб Жанубий Осиё мамлакатлари ва БМТга мурожаат қилган.
Изоҳ (0)