Афғонистон жануби-шарқидаги Хост шаҳрида юз берган портлаш оқибатида камида 18 киши, жумладан, икки нафар бола ҳалок бўлди. Бу ҳақда «ТАСС» хабар бермоқда.
Маҳаллий TOLO News телеканалининг Афғонистон ички ишлар вазирлигига таяниб хабар беришича, террорчи-худкуш шаҳар автобус парки ҳудудида бомба ўрнатилган машина ичида ўзини портлатиб юборган.
Associated Press ахборотига кўра эса, портлаш хавфсизлик кучлари карвонига қарши қаратилган бўлган, бироқ қурбонларнинг аксарияти — тинч аҳоли вакилларидир.
Расмий маълумотларга кўра, ҳодиса оқибатида 18 киши ҳалок бўлган, олти киши тан жароҳати олган. Жабрланувчилар яқин атрофдаги шифохоналарга етказилган.
Ҳодиса учун жавобгарликни ҳозирча ҳеч бир террорчилик ташкилоти ўз зиммасига олгани йўқ.
Изоҳ (0)