Эстония АҚШ ва бошқа иттифоқдош ҳамда шериклар билан ИШИДга қарши коалицияда эҳтимолий иштироки бўйича музокаралар олиб бормоқда. Бу ҳақда «Интерфакс» маълум қилди.
Бугунги кунда мамлакат Ироқдаги машғулот миссиясида иштирок этмоқда ва у ерга 10 нафар ҳарбий хизматчисини жўнатган. Шунингдек, ҳозирда парламент шифокорлар ва сапёрлар тайёрлаш учун яна 5 нафар йўриқчи жўнатиш масаласини муҳокама қилмоқда.
«НАТО саммитида Ироқда ИШИДга қарши ҳаракатларни кучайтиришга қарор қилинди. Эстония Яқин Шарққа жанговар бўлинма жўнатишни ҳам ўйлаб кўриши лозим. Бу масала юзасидан маслаҳатлашувлар олиб бормоқда», — деди Эстония мудофаа вазири Маргус Цахкна.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)