Замонавий ишловчи одам учун ҳаракатсиз ишлаш – бу етарлича ҳаракатланишга йўл қўймайдиган, мушак ва суяк тўқималарининг ишламай тўхтаб қолишига олиб келадиган жазога ўхшайди. Офисда ишлаш жараёнида мушакларни юқори даражада фаол ҳолатда тутиш унчалик ҳам қийин эмас. Фақат иш қобилиятини сақлашда ўз организмига ёрдам бериш учун хоҳиш ва оддий, лекин жуда самарали машқлар бажариш учун бироз вақт ажратиш кифоя қилади.
Эрталаб мушакларни ишлашга ва организмни кундузги вазифаларга тайёрлаш учун эрталабки машқларга ҳеч бўлмаса бир неча дақиқа ажратиш зарур. Афсуски кўпчилик эрталабки машқларнинг зарурлигига аҳамият бермайди, натижада офис ходимларининг кўпчилиги бош оғриғи, бўйиндаги ва белдаги оғриқлардан шикоят қилишади. Ахир бу муаммодан қутулиш мумкин-ку!
Иш столи ёнида букилмасдан тўғри ўтириш, қорин тортилиб туриши ва ияклар эса тўғриланиши кераклигини унутманг. Гавданинг бундай иш ҳолати чарчаб қолишни камайтиришга ёрдам беради.
Машқлар юқоридан бошланади ва умуртқа, ҳар бир мушаклар гуруҳи учун қилинади. Машқларнинг ҳар бирини 5—10 мартадан бажариш лозим.
Шундай қилиб, офис ходимлари учун машқлар тўпламидан бирини кўриб чиқамиз:
- бўйинни ва иякни куч билан букиб, шошилмасдан бошни орқага ташланг, букишда нафас олинг, тўғрилашда эса чиқаринг;
- бошни аввал бир томонга, кейин бошқа томонга буришни бажаринг;
- бошнинг айланма ҳаракатини бажаринг;
- олдингизда бурун билан рақамлар қаторини чизинг;
- панжалар, тирсаклар ва елкаларни аввал соат мили ҳаракати бўйича, кейин эса унга тескари томонга айлантиринг;
- муштларингизни маҳкам қисиб бир неча дақиқа ушлаб туринг ва кейин қўйиб юборинг;
- стулда ўтиринг, нафас олинг ва орқага эгилинг, олдинга қараб эгилинг ва нафас чиқаринг;
- стулда ўтиринг ва оёқларингизни бир-биридан узоқроқ қўйинг, қўлларингизни юқорига кўтаринг ва бармоқларингизни бирлаштиринг, қарама-қарши оёғингиз томон мушакларингиз тўлиқ чўзилгунча энгашинг ва кейин иккинчи томонга ҳам худди шундай энгашинг;
- стулда ўтиринг ва бир қўлингиз билан ўтирғичнинг ёнбошидан ушланг, иккинчисини сон устига қўйинг ва тананинг юқори қисмини мушаклар тўлиқ тортилгунча қарама-қарши томонга буринг ва тескариси;
- қоринни тортинг ва бир неча дақиқа кутинг, уни яна қўйиб юборинг;
- турган ҳолда тосни аввал бир томонга, кейин эса қарама-қарши томонга айлантиринг;
- турган ҳолда нафас олинг ва қўлларингизни юқорига қилиб оёқ учида кўтарилинг, нафас чиқаришда оёқ ва қўлларингизни туширинг;
- елкангизни тўғри ушлаган ҳолатда бир неча марта ўтириб-туринг;
Манба: Men’s Health
Изоҳ (0)