«Соғлиқни ёшликдан асраш керак» деган ибора жуда тўғри айтилган. Ҳақиқатан ҳам кейин пушаймон бўлмаслик учун, саломатлик тўғрисида ҳозирдан қайғуриш зарур. Шу жумладан умуртқа ҳақида ҳам. Умуртқа бизнинг таянч аъзомиз ҳисобланади, у танамизни тутиб туради ва бизга эркин ҳаракат қилишга имкон беради.
Эътиборингизга умуртқани соғлом тутиш тўғрисида бир неча маслаҳатлар ҳавола этмоқчимиз.
Қоматингизни тик тутинг. Гавдани тўғри ва тик тутиш – бу фақат чиройли кўриниш учун эмас, балки саломатлик учун ҳам фойдали. Буни ҳеч қачон унутманг. Ҳатто сиз уйда бўлганингизда ҳам, сизни ҳеч ким кўрмаётган бўлса ҳам барибир елкангизни тўғри тутинг. Қоматингиз чиройли бўлиши учун қорнингизни бироз тортишга ва елкангизни сал орқага қилишга ҳаракат қилинг. Бошингизни сал кўтаринки ҳолатда тутинг.
Жисмоний машқлар тўғрисида унутманг. Жисмоний машқлар умуртқа соғлом бўлиши учун зарурдир. Ҳар куни эрталаб машқ қилишни унутманг. Шунингдек, сиз умуртқа учун фойдали бўлган ёга машқлари билан ҳам шуғуллансангиз бўлади.
Тўғри овқатланинг. Зарарли овқатларни истеъмол қилиш оқибатида умуртқада токсинлар йиғилиб қолиши мумкин. Бу ҳар хил касалликлар пайдо бўлишига сабаб бўлади. Шунинг учун соғлом овқатланиш тарзига риоя қилинг, организмни токсинлардан тозалашга ёрдам берувчи озиқ-овқатларни ҳам истеъмол қилинг. Кўпроқ мева ва сабзавотлар енг.
Вазнингизни меъёрда сақланг. Агар вазнингиз меъёрдагидан кўп бўлса, умуртқангиз ортиқча оғирликдан қийналади. Шунинг учун вазнингизга эътибор беринг ва уни меъёрдан оширмасликка ҳаракат қилинг. Бу борада сизга жисмоний машқлар ва тўғри овқатланиш ёрдам беради.
Оғир нарсаларни кўтарманг. Умуртқангиз соғлом бўлишини истасангиз ҳаддан ташқари оғир нарсаларни кўтармасликка ҳаракат қилинг. Агар сиз оғир нарсаларни кўтаришга мажбур бўлиб қолсангиз, буни тўғри бажаринг. Оғир нарсани кўтараётганда гавдангизни тўғри тутинг. Яъни, ердан бирон нарсани кўтаришда, юк оғирлиги умуртқага бир хил тушиши учун ўтирган ҳолатда кўтаринг. Буни шошилмасдан ва кескин ҳаракатларсиз амалга оширинг.
Манба: «Whrussia.ru»
Изоҳ (0)