Россиялик мухолиф сиёсатчи Алексей Навальний асли ўзбекистонлик миллиардер Алишер Усмонов билан баҳснинг давоми ўлароқ унинг видеомурожаатига жавоб тайёрлашга ваъда берди. Бу ҳақда «Газета.ru» хабар бермоқда.
Навальнийнинг таъкидлашича, Усмоновда айбсизлигини исботлайдиган ҳеч қандай ҳужжатлар йўқ.
Шунингдек, у Усмоновдан «лайк»лар сонини сунъий кўпайтиришни бас қилишни сўради, негаки, унинг фикрича, бу «жиддий ёндашув» эмас. Айни пайтда Усмоновнинг Навальнийга видеомурожаати 50 минг лайк тўплади ва 3 миллион марта кўрилди.
Илгарироқ Усмонов яна бир видеомурожаат эълон қилиб, унда Навальнийни «Ит юраги» қиссаси (Михаил Булгаков) қаҳрамони Полиграф Шариковга қиёслади.
Изоҳ (0)