Хитой шимолидаги Шаньси провинциясида кўмир конини сув босиши оқибатида 6 нафар кончи ҳалок бўлди. Бу ҳақда «ТАСС» хабар бермоқда.
«Синьхуа» агентлигига кўра, ер остида қамалда қолган яна 5 нафар кончи қутқарилди ва тиббий ёрдам кўрсатилди.
Ҳодиса Тайюань шаҳар округининг Цинсюй уездидаги кўмир конларидан бирида рўй берди. Ҳозирда қутқарув операцияси якунланган бўлиб, воқеа сабабларини ўрганиш юзасидан текширув бошланди.