Денгиз тузи қандай мақсадларда қўлланилиши мумкин?

Инсон организмидаги минераллар ва фойдали моддалар концентрацияси денгиз суви концентрациясига ўхшаш бўлади, шунинг учун денгиз тузи — тана ва терини бошқариш, ҳимоя қилиш ва тиклашда бизнинг содиқ иттифоқчимиз эканлигига ажабланмаса ҳам бўлади.

Денгиз тузининг оддий туздан  фарқ қилувчи асосий хусусиятларидан бири минераллардан ташкил топганидир. Денгиз тузида ҳар бири тери ҳолати ва фаолиятида муҳим роль бажарувчи магний, кальций ва калий моддалари мавжуд. Унинг минерал мувозанати издан чиқса, у қуруқ, сўлиган, безовта ва тошмалар тошишга мойил бўлиб қолади. Бу мувозанатни тузатишда ва тери қаришини секинлаштиришда денгиз тузи ёрдам беради.

1. Тикловчи ниқоб

Денгиз тузи ва асал терини юмшатишга, тошмалар ва безовталикни кетказишга ёрдам берувчи яллиғланишга қарши курашиш хусусиятига эга. Улар шунингдек ёғ безлари ишини яхшилаш ва керакли жойларда намлик даражасини тиклашга ёрдам беради.

Қўлланилиши: 2 чой қошиқ майда денгиз тузини 4 ош қошиқ хом асал билан аралаштириб паста ҳолатига келтиринг. Аралашмани тозаланган қуруқ терига кўз атрофи соҳасини қолдириб,текис қилиб суринг. Ниқобни 10—15 дақиқа қолдиринг. Юзингизни ювишдан олдин илиқ сувга ботирилган юмшоқ сочиқ билан ниқобни артиб олинг. Кейин юзингизни илиқ сувда эҳтиётлик ва майин силовчи ҳаракатлар билан ювинг ва қуригандан сўнг крем суринг.

2. Ёғли тери учун қуритувчи восита

Денгиз тузи тешикчаларни чуқур тозалашда, тери ёғи ишлаб чиқарилишини тенглаштиришда ва тошмаларни юзага келтирувчи бактерияларни йўқотишга ёрдам беради.

Қўлланилиши: 1 чой қошиқ денгиз тузини 0,5 пиёла илиқ сув билан аралаштиринг, батамом эриб бўлишини кутинг ва пуркагичга қуйинг. Сувни қуруқ ва тозаланган терига кўз атрофини қолдириб сепинг. Бир кунда 1—2 марта сепинг.

3. Тана учун юмшатувчи скраб

Денгиз тузи — терининг ўлик ҳужайраларини эҳтиётлик билан кўчирувчи табиий восита. Унинг таркибидаги минераллар терини юмшатади ва ундаги сув мувозанатини тиклайди.

Қўлланилиши: 0,25 пиёла денгиз тузини 0,5 пиёла зайтун ёғи ёки эритилган кокос ёғи билан қуюқ паста ҳолига келгунча аралаштиринг. Таъбингизга кўра севимли бўлган эфир ёғидан 10 томчи қўшишингиз мумкин. Скрабни танангизга силовчи юмшоқ айланма ҳаракатлар билан суринг.

4. Ёшартирувчи скраб

Денгиз тузи терини нафақат юмшатади, ва уни тиклайди ҳам. Алоэ намлантиради, тузатади ва тери ҳужайраларини янгилайди, шунингдек  лаванда ҳам табиий зарарсизлантириш хусусиятига эга ва қон айланишини яхшилайди

Қўлланилиши: 0,5 пиёла денгиз тузини 0,25 пиёла алоэ тоза шарбати ёки гели, 0,25 пиёла ўзингиз ёқтирган ёғ, 1 ош қошиқ қуритилган лаванда гуллари ва 10 томчи лаванда эфир ёғи билан аралаштиринг. Скрабни танангизга силовчи юмшоқ айланма ҳаракатлар билан суринг.

Манба: «Zdorovie.com»