Ўзингизга мос келувчи воситани танлаш жуда қийин иш. Бунинг учун синаб кўриш ва бир неча марта хатоларга йўл қўйишга тўғри келади. Хўш, унда нима қилиш керак? Қуйида келтирилган маслаҳатларимиз сизга ювиниш учун мукаммал восита танлашга ёрдам беради.
Терингизнинг турини аниқлаб олинг
Душ учун тозаловчи восита танлашда терингизнинг турини ҳисобга олишингиз керак, чунки бу восита терининг аҳволи ва соғлиғи учун катта аҳамиятга эга.Ҳар бир тозаловчи восита аниқ бир тери тури учун мўлжалланган бўлиб, терининг бу тури йил давомида сиз душни қайси мавсумда неча марта қабул қилишингизга боғлиқ равишда ўзгариб туриши мумкин. Йилнинг совуқ фасллари тез-тез чўмилиш каби сизнинг терингизни қуруқлаштиради ва бу ҳолатда намлантирувчи воситалардан фойдаланиш лозим бўлади.
Тўғри аралашмани танланг
Модомики тери тури шунчалик муҳим экан, терини совун ва гель ёрдамида парвариш қилишнинг фарқи жуда катта. Баданни душда парвариш қилувчи махсус воситалар одатда гель ва крем аралашмасидан иборат бўлади. Агар терига намлаш етарли бўлмаса асоси кремдан ташкил топган воситаларни танланг. Ёғли терилар учун совун ва душ учун гель мос келади, чунки уларда ёғли моддалар анча кам.Терингиз қанча таъсирчан бўлса, уни парваришловчи воситалар шунча камроқ ҳидли бўлиши керак, чунки бундай воситалар таркиби сизда аллергик реакциялар ва безовталик туғдириши мумкин. Совун теридан ҳам кирларни ва ҳам табиий ёғларни кетказади, лекин у ишлатишда қанча кўп кўпик чиқарса шунча кўпроқ қуритади.
Ёрлиқларни ўқинг
Совун совундан фарқ қилади. Таркибида намлантирувчи моддалар бўлган совунни топиш қийин эмас, асосийси — ёрлиқларни ўқиш.Совун сифатини таърифловчи йўриқномадан гипоаллерген, намлантирувчи, юмшоқ ва кремли сўзларини изланг.
Ҳатто сизнинг терингиз жуда қуруқ ва таъсирчан бўлмаса ҳам совун терингиздан табиий ёғларни ювиб кетмаслигига ишонч ҳосил қилинг.
Манба: «Whrussia.ru»
Изоҳ (0)