Замонавий яшаш шароитида одамлар тўғри овқатланишга етарлича эътибор бермай қўйди. Бунинг устига уларнинг баъзилари кўпинча «тез» тайёрланадиган овқатлар томон югуради. Фаст-фуд янада каттароқ муаммоларга айланиб бормоқда.
Ҳаммамиз уни истеъмол қилиш саломатликка ёмон таъсир қилиши, ортиқча вазн пайдо бўлиши ва тери ҳолатига салбий таъсир қилишини жуда яхши биламиз. Унда нима учун кўпчилик мунтазам равишда зарарли овқатлар тайёрланадиган жойларда овқатланади?
Агар сиз бу қарамликдан қутулишни хоҳласангиз ва соғлом яшаш тарзини бошламоқчи бўлсангиз, қуйидаги маслаҳатларимизга эътиборингизни қаратинг.
Зарарли овқатлар истеъмол қилиш ҳажмини аста-секинлик билан камайтиринг. Фаст-фуд тайёрланадиган жойлардан тўлиқ бирйўла воз кечиш сиз учун қийинроқ бўлади. Буни аста-секинлик билан, бу тез пишадиган овқат миқдорини камайтириш ва уни фойдали овқатларга алмаштириш билан амалга оширинг.
Агар очликни сеза бошласангиз – мева енг. Биринчидан, бу фойдали. Иккинчидан – иштаҳани пасайтирасиз ва вақтинча фаст-фуд тўғрисидаги ўйдан қутуласиз. Бу эса сизга ҳатто ёқа бошлайди, шунинг учун зарарли овқатларга эҳтиёж қолмайди.
Фаст-фуд овқатининг калориясини ҳисоблаб кўринг. Ҳа, бу овқатнинг ҳақиқий зарарини тушуниш яхшироқ бўлади. Чунки буни ҳисоблаганингиздан кейин, фаст-фуд билан тамадди қилишнинг ўрнига кўпроқ фойдали овқатлар ейиш мумкинлигини ўйлаб қоласиз.
Фаст-фуд тайёрлайдиган кафелардан фақат қаҳва, чой ёки шарбат олинг. Сиз зарарли овқатлардан воз кечмоқчисиз, лекин дўстларингиз ва ҳамкасбларингиз ҳали ҳам фаст-фуд ейишда давом этмоқда. Бу улар билан бирга ўтиришлардан воз кечиш керак дегани эмас. Фақат сиз ўзингизга қаҳва, чой ёки шарбат олинг.
Сув учун чиройли бутилка олинг. Балки сиз ширин ва газли ичимликларни яхши кўрарсиз. Лекин шуни унутмангки, улар таркибида шакар кўп, унинг бунча миқдори организмга жуда зарарли. Сув учун чиройли бутилка сотиб олинг ва тўғри келган ичимликни сотиб олмаслик учун ҳар доим ўзингиз билан бирга олиб юринг.
Ўзингиз билан ёнғоқ ва қуруқ мевалар олиб юринг.Улар фойдали ва тўсатдан бошланган очлик хуружида ёрдам беради. Лекин уларни ҳам меъёрида истеъмол қилинг: бир кунда 10 га яқин ёнғоқ ва бир неча бўлак қуруқ мевалар.
Ўзингиз учун фойдали бутербродлар тайёрланг. Шу йўл билан сиз зарарли тамаддиларни фойдалироқ овқатга алмаштирасиз.
Фойдали овқатлар тайёрлайдиган бошқа кафеларга боришни бошланг. Албатта, гоҳида қайсидир ресторан ёки кафеларга боришни хоҳлайсиз. Фойдали овқатлар тайёрланадиган шинамроқ жой танланг. Шу тарзда сиз ҳам дўстлар даврасида маза қилиб дам оласиз, ҳам эртаси куни зарарли овқат учун пушаймон бўлмайсиз.
Манба: «Lady.tochka.net»
Изоҳ (0)