Фитнес — муваффақиятли ва гўзал аёл ҳаётининг ажралмас қисми. Энг асосийси — машғулотлар учун вақт топиш ва тузилган графикка риоя қилиш. Фитнесни ўз графигингизга қўша билиш ва машғулотлардан ҳузур олишни ўрганиш учун мақолани ўқиб чиқинг.
Фитнес — хобби эмас. Бошидан шуни тушуниб олингки, машғулотлар мунтазам бўлиши керак ва уларни ўтказиб юбориш мумкин эмас, ахир шу тариқа сиз орқага қадам ташлайсиз. Сизнинг фитнес билан шуғулланишингиз натижаси асосан кетма-кет олиб борилган машғулотлар сонига боғлиқ.
Вақт етишмаслигидан ташвишланманг. Машғулотлар ўртача ҳафтасига 3—4 соат вақт олади, бунда ҳар битта машғулотга бир соатдан тўғри келади. Бунинг устига, замонавий технологиялар аэробика ва куч ишлатиладиган машғулотларни бирлаштиради, ва атиги 30 дақиқа талаб қилади, ахир буёғига сиз бундай суръатга бардош бера олмайсиз. Шундай экан, дадилроқ ҳаракат қилиб, спорт залига ёзилинг ва бошқа баҳона ахтарманг.
Телефонни ўчириб қўйинг. Фитнес дастлаб иродали бўлишни талаб қилади, аммо кейин у одат тусига киради. Машғулотнинг айни ўртасида дугоналар билан чақчақлашиш ёки ижтимоий тармоқларга чалғиш — унчалик яхши фикр эмас, ва бу жисмоний қиёфангиз яхшиланишига ёрдам бермаслиги аниқ. Фитнес-клубдаги машғулотлар чоғида телефонни, яхшиси кийиниш хонасидаги жавонингизда қолдиринг, уйдаги машғулотларда эса — овозини ўчириб қўйинг.
Ўзингизни мақтанг. Тасаввур қилинг, бир ой давомида мунтазам спорт билан шуғулландингиз. Табиийки, сиз мақтовга лойиқ бўлдингиз. Ўзингиз учун янги кийим ёки косметика воситасини сотиб олинг, ундан ҳам яхшиси — спорт билан боғлиқ бирор нарса, масалан, чиройли кроссовка харид қилинг.
Режалаштиринг. Эҳтимол бу зерикарли бўлиб туюлар, аммо режалаштиришсиз, муҳим ишларга вақт қолмаслиги мумкин. Кундалик тутинг ва олдиндан кун тартиби тузиб, машғулотлар ва вақт талаб қиладиган бошқа ишларни унга киритинг. Бундай кун тартиби аста-секинлик билан сизга келажакка боқиш имконини беради, бу эса фақат спортга эмас, бошқа вазиятларга ҳам тааллуқли.
Ҳузур қилинг. Бошида машғулотлар қийин кечиши мумкин, бироқ 1,5—2 ойдан сўнг бу сизга ёқа бошлайди. Гап шундаки, нафас олишнинг тезлашуви бахт гормонлари деб аталувчи эндорфинлар ишлаб чиқарилишини қўзғатади. Шунинг учун машғулотдан 5—10 дақиқа ўтиб, сиз куч ва хурсандчилик қуйилиб келаётганини ҳис қиласиз.
Манба: «Lady.tochka.net»
Изоҳ (0)