Май ойи ярмидан ўтди, бу эса кўпчилик ёшларда битирув жараёнлари яқинлашаётгани англатади. Билл Гейтс бўлажак битирувчилар билан ўзининг қимматли маслаҳатларини ўртоқлашди.
Улар қуйидаги 13 твитда жамланган:
- Сунъий интеллект, энергетика ва биофанлар илмнинг ўз сўзини айтиш мумкин бўлган, келажаги порлоқ соҳалари. Агар битирувчи бўлганимда, айнан улар билан шуғулланган бўлардим.
- Коллежни якунлаган давримга назар ташлаб, ўша пайтлардаёқ билишим керак бўлган кўплаб нарсалар борлигини тушуниб етаман.
- Масалан, онг турли шаклларни олиши мумкин. У бир ўлчамли эмас.
- Таълимни тугалланимдан кейин ҳам дунёдаги даҳшатли тенгсизлик ҳақида жуда кам билганимдан афсусдаман. Буни тўлиқ англаб етиш учун ўнлаб йиллар керак бўлди.
- Мен Сизларнинг ёшингизда билганимдан кўра кўпроқ нарсаларни тушунасиз. Кўчангизда ҳам, бутун дунёда ҳам адолатсизликка қарши курашни мендан эртароқ бошлашингиз мумкин.
- Юксалишингизга кўмак берадиган ва охир-оқибат Сизни яхшироқ қиладиган кишилар қуршовида бўлинг. Мен учун шундай инсон —Мелинда Гейтс.
- Уоррен Баффет каби мен ҳам бахтимни яқинларим қанчалик бахтли эканлиги ва мени нечоғли кучли севишлари билан ўлчайман. Бошқа одамларга қанча фойда келтиришим билан ҳам.
- Битириш кечангизга совға тақдим этиш имкони туғилганда, ҳар бирингизга Стивен Пинкэрнинг «Инсон табиати фаришталари: Зўравонлик таназзули сабаблари ҳақида» китобини топширган бўлардим. Бу мен ўқиган энг илҳомбахш асар.
- Pinkэр дунё қандай яхшиланиб бораётгани ҳақида ҳикоя қилади. Тентакликдек туюлиши мумкин, бироқ айнан шундай. Биз инсоният тарихидаги энг тинч даврда яшаяпмиз.
- Бу чиндан ҳам муҳим, чунки дунё яхшиланиб бораётгани ҳақида ўйласанг, бу ҳақда унинг турли нуқталарида кўпроқ одамлар билишини истайсан.
- Бу биз инсоният дуч келаётган жиддий муаммоларни инкор этаётганимизни англатмайди. Аксинча, уларни бартараф этиш мумкин деб ҳисоблашимизни билдиради.
- Дунёқарашим моҳияти ҳам шундан иборат. У мени қийин пайтларда қўллаб-қувватлайди ва ўз ишимни севишимнинг асосий сабабидир. Мазкур ғоялар Сизга ҳам ёрдам беради, деб ўйлайман.
- Ҳозир ҳаётингиздаги энг ажойиб давр. Ундан максимал даражада фойдаланасиз, деган умиддаман.
Изоҳ (0)