Агар олдиндан узоқ вақтга етадиган қилиб озиқ-овқат маҳсулотларини ғамлаб қўймоқчи бўлсангиз, биз сиз учун заҳарланиб қолишдан қўрқмасдан ҳар доим ейиш мумкин бўлган егуликлар ва ичимликлар рўйхатини тайёрладик.
Асал ва заранг қиёми. Агар бу табиий қиёмлар ўн йиллар давомида бузилмасдан туришини хоҳласангиз, уларни қороғи ва қуруқ жойда сақласангиз кифоя. Кристалланиб қолган асални банкаси билан илиқ сувга солсангиз аввалги ҳолига қайтади. Заранг қиёмини эса яхшиси музлатгичда сақлаганингиз маъқул.
Қаҳва. Агар сиз янчилган, донли ёки тез эрувчан қаҳва узоқ вақт туришини хоҳласангиз — уларни музлатгичга қўйинг. Қаҳва жуда паст ҳароратда камида бир йил давомида ўз хушбўй ҳидини сақлаб қолиш хусусиятига эга.
Туз, шакар ва ош содаси. Бу маҳсулотлар йиллар давомида ўз хусусиятларини йўқотмайдиган табиий консервантлар ҳисобланади. Уларни оғзи маҳкам ёпиладиган, тоза ва қуруқ идишда, қоронғи жойда сақлаш талаб этилади.
Маккажўхори крахмали— тахирланмайди, бузилмайди ҳам. У юмалоқчаларга айланиб қолиши мумкин. Буни бартараф қилиш учун крахмални элакдан ўтказиш кифоя қилади. Уни маҳкам ёпиладиган идишда ва қуруқ жойда сақлаш лозим.
Оқ гуруч. Ярим йил ичида тахир бўлиб қоладиган қорамтир гуручдан фарқли равишда, оқ гуручни ўттиз йилгача сақлаш мумкин. Бунинг учун уларни намликдан ва ҳашаротлардан сақлаш жуда муҳимдир.
Ловия ва дуккаклилар. Уларни сақлаш қоидаси ҳам худди шундай. Эски дуккаклиларни пиширишдан олдин кечқурун сувда ивитиб қўйиш зарур.
Табиий ваниль экстракти. Асоси спиртдан ташкил топгани учун уларни ҳам спиртли ичимликлар каби узоқ йиллар сақлаш мумкин.
Ошхона сиркаси. Узоқ йиллар давомида бузилмайди, шунинг учун маринадлар ва зираворлар учун ҳар доим иш беради.
Изоҳ (0)