АҚШнинг БМТдаги доимий вакили Никки Хейли Россияни Сурия президенти «Башар Асад тузуми ёвузликлари»ни тан олишга чақирди. Бу ҳақда унинг вакиллик сайтида эълон қилинган баёнотида маълум қилинди, дея хабар беради «РБК».
Ҳужжатда АҚШ Давлат департаменти эълон қилган ва «Асад тузуми мамлакат аҳолисини доимий равишда террор қилиб келаётгани яққол кўрсатилган» Суриядаги ёвузликлар бўйича ҳисобот ҳақида сўз кетади.
Сурия президенти мазкур шафқатсизликлар учун асосий айбдор саналади, бироқ унинг иттифоқдошлари — Россия ва Эронга ҳам катта масъулият юкланади.
Хейлига кўра, «Москва ва Теҳрон Асад тузуми одам ўғирлаш, қийноққа солиш, суд қарорисиз ҳукмларни ижро этиш, авиазарбалар, кимёвий ҳужумларни амалга оширишига имкон яратиб бермоқда».
Изоҳ (0)