Хитой расмийлари келгусида Сурияга «Бир макон, бир йўл» ташаббуси доирасида гуманитар лойиҳаларни амалга ошириш учун ёрдам тақдим этиш ниятида. Бу ҳақда Хитойнинг Дамашқдаги элчиси Ци Цяньцзинь маълум қилди, дея хабар беради «ТАСС».
«Хитой ‘Бир макон, бир йўл’ лойиҳалари доирасида Сурияни қўллаб-қувватлашни давом эттиради. Мазкур концепция нафақат Хитой, балки барча иштирокчи давлат учун манфаат келтиради. Таъбир жоиз бўлса, бу алоҳида пьеса эмас, балки барча манфаатдор томонлар ижро этадиган симфониядир», — дея таъкидлади элчи.
Февраль ойида Пекин ва Дамашқ Сурияга беғараз асосда 16 миллион доллар миқдоридаги гуманитар ёрдам тақдим этиш тўғрисида икки келишувни имзолади. Томонлар сув ресурслари, қишлоқ хўжалиги, соғлиқни сақлаш, туризм, нефть ва газ соҳаларидаги ҳамкорлик бўйича туркум шартномалар тузди.
Изоҳ (0)