Washington Post тасодифан Пентагон раҳбарининг телефон рақамини эълон қилди

Washington Post газетаси тасодифан Пентагон раҳбари Жеймс Мэттиснинг телефон рақамини эълон қилди, деб ёзади «РБК».

Нашр маълумотларига кўра, телефон рақами АҚШ президенти Дональд Трампнинг тансоқчиси Кит Шиллер ҳақидаги мақола суратида акс этган.

Мақола чиққач, газета таҳририятига муштарийлардан бири қўнғироқ қилиб, суратларда Кит Шиллер қўлида бир қанча ҳужжатларни тутиб турганини айтган. Қоғозлардан бирига хатча бириктирилган, унда Мэттиснинг телефон рақами ва исмини кўриш мумкин бўлган.

Газета ходимларидан бири ушбу рақамга қўнғироқ қилиб, автоматик жавобни эшитди. «Бу ўша (Мэттис) эди», — деб ёзди нашр журналисти.

Газета фотосурат олиб ташланганини маълум қилди. «АҚШдаги муштарийимиз телефон рақамни руслардан олдинроқ кўриб қолгани учун шукур қилишимиз керак», — дейилади мақолада.