Шимолий Корея томонидан учирилган баллистик ракета 23 дақиқа давомида парвозда бўлиб, Россия ҳудудидан 500 километр узоқликда қулади. Бу ҳақда Россия мудофаа вазирлиги маълум қилди, дея хабар беради «Газета.ru».
«Баллистик нишон Ракета ҳужуми ҳақида огоҳлантириш тизими воситалари томонидан 23 дақиқали парвоз давомида то Япон денгизининг марказий қисмида, Россия ҳудудидан 500 километр нарида қулагунча кузатиб борилди», — дейилади вазирлик хабарида.
Ракета Россия Федерацияси учун ҳеч қандай хавф туғдирмагани билдирилмоқда.
Эслатиб ўтамиз, олдинроқ АҚШ Шимолий Корея баллистик ракета учирганини тасдиқлаган ва уни кузатиб борганини маълум қилганди.
Изоҳ (0)