АҚШ президенти Дональд Трамп стратегия ва алоқаларга жавобгар ходимлар жамоасида кадрларни ўзгартиришни амалга ошириш ҳақида ўйланиб қолди. Бу ҳақда The Wall Street Journal’га таяниб, «Коммерсантъ» хабар берди.
АҚШ президенти ўз ходимлари ФҚБ директори Жеймс Комининг лавозимидан озод этилишига боғлиқ вазиятда «баҳсни тўхтата олмади», дея ҳисобламоқда.
WSJ билан суҳбатлашган шахсларнинг таъкидлашича, Оқ уй расмий вакили Шон Спайсер ҳам вазифасидан озод этилиши мумкин. Манбанинг сўзларига қараганда, Дональд Трамп «ўз жамоасида катта ўзгариш»ни амалга оширишни ўйламоқда, бироқ ҳозирча ушбу ўзгариш кимларга тааллуқли экани номаълум. Шон Спайсер ушбу маълумотга изоҳ бермади.
АҚШ президенти Оқ уй вакилининг матбуот учун доимий брифингларини бекор қилишни ўйлаётганини маълум қилди. Дональд Трамп Fox News’га берган интервьюсида матбуот анжуманларини ўтказишни тўхтатишни «яхши фикр» дея баҳолади. «Ёки ҳар икки ҳафтада ўзим уларни ташкиллаштириб тураман», — дея таклиф билдирди АҚШ президенти.
«Балки матбуот анжуманларини бекор қилиб, аниқлик учун барча жавобларни хат кўринишида тарқатармиз?» — деб Трамп Twitter’да хабар қолдирди.
Изоҳ (0)