12 май, жума куни эрталаб Италия пойтахти — Римнинг марказий қисмидаги Авентино кўчасида, почта бўлими ёнида портлаш рўй берди, деб хабар берди «РИА Новости».
RaiNews24 телеканали маълумотларига кўра, воқеа жойида ўт ўчирувчилар ва полиция ходимлар ишламоқда. Портлаш оқибатида битта автомобилга зарар етган, жабрланганлар ёки жароҳат олганлар ҳақида маълумот йўқ.
Аnsa агентлигинг хабар беришича, нохуш ҳодисага нима сабаб бўлгани аниқланмоқда. Барча тахминлар, ҳатто қўлбола портловчи қурилмадан фойдаланилган бўлиши мумкин деган тахмин ҳам ўрганилмоқда.
Изоҳ (0)