Австриянинг Иннсбрук шаҳри суди Сурия фуқаросини 20 нафар инсонни ўлдирганликда айбдор деб топиб умрбод қамоқ жазосига маҳкум қилди. Бу ҳақда Der Spiegel нашрига таяниб, «Интерфакс» хабар берди.
Маълумотларга кўра, 27 ёшли эркак мухолифатчи «Сурия озодлик армияси» таркибида хизмат қилган ва Сурия армиясининг қуролсиз 20 нафар аскарини ўлдирган.
Таъкидланишича, эркак 2016 йил июнида Тироль ҳудудидаги қочоқлар лагерида қўлга олинган.
Терговнинг аниқлашича, эркак 2013—2014 йилларда Суриянинг Хомс шаҳри ва унинг атрофида қотилликлар содир этган.
Изоҳ (0)