Туркия Германия расмийларининг Анқара давлат тўнтаришига алоқадор санайдиган қатор турк ҳарбийларига сиёсий бошпана бериш ҳақидаги қарорини икки томонлама муносабатларга зарба деб ҳисоблайди. Бу ҳақда Туркия ташқи ишлар вазирлиги маълум қилди, дея хабар беради «ТАСС».
«Германия айрим собиқ ҳарбийларга сиёсий бошпана беришга қарор қилганидан ҳафсаламиз пир бўлди. Уларнинг ФЕТОга алоқадорлигини исботловчи барча далиллар мавжуд. Германиянинг бу қадами мамлакатларимиз ўртасидаги муносабатларга раҳна солади ва иттифоқдошлик руҳига тўғри келмайди. Биз Германия ўз қарорини қайта кўриб чиқиши ва террорчи ташкилотлар, жумладан, ФЕТОга қарши бутун дунёда олиб борилаётган курашда зарур кўмак кўрсатади, деган умиддамиз», — дейилади Туркия ТИВ баёнотида.
Эслатиб ўтамиз, 2016 йил ёзидан бери 414 нафар турк ҳарбийси, дипломати, судьяси ва мансабдорлари ҳамда уларнинг оила аъзолари Германиядан сиёсий бошпана сўраб, мурожаат қилди.
Изоҳ (0)