Колумбия конгресси исёнчилар билан тинчлик келишувини ратификация қилди

Колумбия конгресси ҳукумат ҳамда «Колумбия инқилобий қуролли кучлари» (FARC) гуруҳи исёнчилари ўртасидаги тинчлик келишувини тасдиқлади. Ҳужжатни 52 сиёсатчи ёқлади, икки вакил қарши овоз берди, деб хабар қилади «Коммерсант.ru».

Келишувга биноан, FARC учун Сенатда ва Вакиллар палатасида бештадан ўрин ажратилади. Бу ўринларга эга бўлиш учун FARC кейинги йил бўлиб ўтадиган парламент сайловида иштирок этиши лозим. Бу келишувнинг асосий шартларидан биридир.

Бир муддат илгари Колумбиядаги икки энг йирик исёнчи гуруҳ — FARC ва «Миллий озодлик армияси» (ELN) вакиллари мамлакатдаги тинчлик жараёнини муҳокама қилиш учун Кубага ташриф буюрди.

Келишув 2016 йил ноябрида тузилган эди.

Мамлакатда фуқаролик уруши 50 йилдан буён давом этмоқда.