Kolumbiya kongressi hukumat hamda “Kolumbiya inqilobiy qurolli kuchlari” (FARC) guruhi isyonchilari o‘rtasidagi tinchlik kelishuvini tasdiqladi. Hujjatni 52 siyosatchi yoqladi, ikki vakil qarshi ovoz berdi, deb xabar qiladi “Kommersant.ru”.
Kelishuvga binoan, FARC uchun Senatda va Vakillar palatasida beshtadan o‘rin ajratiladi. Bu o‘rinlarga ega bo‘lish uchun FARC keyingi yil bo‘lib o‘tadigan parlament saylovida ishtirok etishi lozim. Bu kelishuvning asosiy shartlaridan biridir.
Bir muddat ilgari Kolumbiyadagi ikki eng yirik isyonchi guruh — FARC va “Milliy ozodlik armiyasi” (ELN) vakillari mamlakatdagi tinchlik jarayonini muhokama qilish uchun Kubaga tashrif buyurdi.
Kelishuv 2016-yil noyabrida tuzilgan edi.
Mamlakatda fuqarolik urushi 50 yildan buyon davom etmoqda.
Izoh (0)