Жанубий Кореянинг янги президенти Мун Жэ Ин ва АҚШ раҳбари Дональд Трамп КХДР ядровий муаммоси бўйича ҳамкорлик юзасидан келишувга эришди. Бу ҳақда «Коммерсант.ru» хабар бермоқда.
Телефон мулоқоти давомида икки давлат раҳбари Сеул ва Вашингтон ўртасида мустаҳкам алоқалар ўрнатилганини яна бир бор тасдиқлади.
Yonhap агентлигига кўра, Мун Жэ Ин ва Дональд Трампнинг суҳбати 30 дақиқа давом этган. Жанубий Кореянинг янги раҳбари тез орада АҚШга сафар қилишига умид билдирган. Шунингдек, у Корея ярим оролидаги беқарор вазият туфайли Жанубий Корея ва АҚШ ўртасидаги альянс ҳар доимгидан муҳимлигини таъкидлаган.
Ўз навбатида, Трамп кореялик ҳамкасби билан олий даражада учрашув ўтказишга тайёрлигини билдирган.
Мун Жэ Иннинг инаугурацияси 10 май куни бўлиб ўтди.
Изоҳ (0)