Хитой расмийлари Корея яриморолида АҚШнинг THAAD ракетага қарши мудофаа тизимлари жойлаштирилиши масаласида Сеул билан музокараларга тайёр, бироқ Пекиннинг бу борадаги ёндашуви ўзгаришсиз қолади. Бу ҳақда Хитой Ташқи ишлар вазирлиги расмий вакили Гэн Шуан маълум қилди, дея хабар бермоқда «ТАСС».
«Бизнинг THAAD жойлаштирилиши масаласидаги нуқтаи назаримиз ўзгаришсиз қолади. Жанубий Корея Хитой томонидан билдирилаётган хавотирга эътибор қаратади ва биз бу муаммонинг ижобий ечимини топамиз, деган умиддамиз», — дея таъкидлади Гэн Шуан.
Эслатиб ўтамиз, Жанубий Корея президенти Мун Чжэ Ин THAAD жойлаштирилиши масаласини Хитой билан яқин ҳамкорликда ҳал қилишга ваъда берди.
Изоҳ (0)