Вашингтоннинг шу йил июнида Жанубий Кореядаги Америка фуқароларини эвакуация қилиш бўйича ҳарбий машғулотларни ўтказиш қарорини КХДР «урушнинг бошланиши» деб ҳисоблайди. Бу ҳақда «ТАСС» хабар бермоқда.
Пхеньяннинг бундай реакцияси «Нодон синмун» газетасида Вашингтоннинг июнь ойида, яъни одатдагидан икки ой аввалроқ Жанубий Кореяда америкалик фуқароларни, шу жумладан, ҳарбий хизматчилар оилаларини эвакуация қилиш бўйича ҳарбий ўқув машғулотларини ўтказиш ниятига жавобан чоп этилди.
«Пхеньянни қўрқитиб қўйиш мақсадида эълон қилинган» бундай қарор «АҚШ ҳар қандай лаҳзада уруш бошлашга қодир эканлиги»ни билдиради, — дейилади мақолада. Шу муносабат билан «Нодон синмун» Вашингтонни «фақат Жанубий Кореядагилар хавфсизлиги ҳақида қайғурмасдан, АҚШнинг қитъа қисмидаги юз миллионлаб америкаликларни қутқариш учун чоралар кўриши кераклиги» ҳақида огоҳлантирди.
Изоҳ (0)