Ижтимоий тармоқ фойдаланувчилари суриялик фуқарога ўғли билан қайта учрашишига ёрдам берган Ажман амири ва Бирлашган Араб Амирлиги Олий иттифоқ кенгашининг аъзоси шайх Хумайд ибн Рашид ан-Нуаймининг ҳаракатларига тасанно айтишди, деб хабар берди UAE Inside.
Гулфнеwсънинг хабар беришича, БААда истиқомат қиладиган суриялик ота ватанида қолган ўғлини мамлакатда уруш бошланганидан бери кўрмаган ва ундан жуда хавотирланган.
Умидсиз ота ёрдам сўраб амирлик ҳукуматига мурожаат қилган. Воқеадан хабар топган Ажман ҳукмдори дарҳол йигитга амирлик визасини тақдим қилган. Бу билан амир йигитга фақатгина отасини кўришига ёрдам берибгина қолмай, ватанидаги муқаррар ўлимдан сақлаб қолган.
Ота ва боланинг узоқ кутилган учрашуви шайх Хумайд иштирокида саройда бўлиб ўтди. Бундан ташқари амирликнинг машҳур бизнесмени Ҳаляф Ал-Хабтур ота ва болага ўз салонидаги исталган автомобилни совға сифатида танлаб олишига рухсат берган.
Изоҳ (0)