Эммануэль Макрон Буюк Британиянинг Евроиттифоқдан чиқиш шартлари бўйича музокараларда қаттиққўллик билан иш кўради, бироқ қиролликни тузилмани тарк этиш қарори учун жазолаш ниятида эмас. Бу ҳақда Франциянинг сайланган президенти маслаҳатчиси Жан Пизани-Ферри маълум қилди, дея хабар беради «ТАСС».
Маслаҳатчига кўра, Буюк Британия ва Европа давлатлари ўртасида ўрнатилган алоқалар узилишидан ҳеч ким манфаатдор эмас. Аксинча, музокаралар томонлари иқтисодиёт ва хавфсизлик соҳаларида ҳамкорлик сақланиб қолиниши мақбуллигини англаб етади.
«Шу билан бирга, мазкур музокараларнинг айрим қирралари бўйича турлича ёндошувларга эгамиз. Музокаралар қийин кечади, Макрон ҳам қийин музокарачи бўлади. Бироқ, у Евроиттифоқ мустаҳкамланишини мақсад қилган бўлса ҳам, Буюк Британия тузилмадан чиқишга қарор қилгани учун жазоланишига интилмайди», — дея таъкидлади Жан Пизани-Ферри.
Изоҳ (0)