Суриянинг Баньяс шаҳрида яшовчи оила янги туғилган фарзандига Владимир Путин Майхуб деб исм қўйди. Бу ҳақда «Вести.ru» хабар бермоқда. Чақалоқнинг ота-онаси аниқлик киритишича, улар Россиянинг Сурияга берган кўмаги учун миннатдорлик сифатида шундай исмни танлаган.
Владимир Путин исмли чақалоқ 6 май, шанба куни Тартус шаҳридаги касалхоналардан бирида дунёга келди. Оила бошлиғи Нурс Майхуб ўғлини Россия ва Сурия байроқларига ўраб қўйди.
Боланинг онаси Сальва Аббос ўғлининг исмини талаффуз қилиш қийин бўлишига қарамай, айнан шу исмни танлаганидан хурсанд эканлигини билдирди.
Изоҳ (0)