Автомобилда саёҳат қилиб, унда яшовчи ишқибозлар кўплаб топилади. Ғилдиракли уйларнинг ҳам кўплаб турлари ва ўзига хос кўринишлари бор. «Мотор» нашри энг ноодатий ғилдиракли уйлар фотожамланмасини тақдим этди.
Rover P5B
Фото: «Мотор»Ўз ҳаётини 1969 йилда оддий купе сифатида бошлаган Rover P5B 1971 йилда Caravanette студиясига айлантирилган. 1996 йилда кузов яроқсиз ҳолга келиб қолган ва таъмир учун жўнатилган. Таъмир жараёнида нафақат кузов, балки одам яшайдиган қисм ҳам янгиланган. Унда янги мебел ва замонавий газ плита пайдо бўлди. 2015 йилда машина Буюк Британиядаги аукционда 3,5 минг фунт стерлингга сотилган.
Austin Mini Wildgoose
Фото: «Мотор»Wildgoose ғилдиракли уйи заводда British Motor Corporation томонидан ишлаб чиқарилган бўлиб, оддий Mini асосида яратилган. 1960 йилда ишлаб чиқарилган машиналарнинг барчаси кекса жуфтликлар томонидан сотиб олинган.
Cadillac Eldorado
Фото: «Мотор»Эски «кадиллак»лар асосида кўплаб ғилдиракли уйлар қурилган. Машина 1985 йилда ишлаб чиқарилган Cadillac Eldorado асосида яратилган. Уйнинг ичида ётиш учун иккита жой, раковина ва газ плитаси бор.
Volkswagen Beetle Minihome
Фото: «Мотор»Бу кўринишдаги ғилдиракли уй яратиш учун икки минг доллар талаб қилинади. Уй ичида уч киши ухлаши мумкин. Шунингдек, раковина ва сув учун бак жойлаштирилган. Лойиҳа муаллифи Роберт Райли ҳисобланади.
Audi 100 Bischofberger
Фото: «Мотор»Bischofberger томонидан яратилган ғилдиракли уй реанимация машинасига ўхшаса ҳам, ўйлаб топилган ва синовдан ўтказилган маҳсулот ҳисобланади. Уй TUV сертификатини олган ва Audi томонидан маъқулланган.
Citroen DS 21
Фото: «Мотор»Гидропневматик Citroen асосида яратилган ғилдиракли уйга ўхшаш машиналар DS ва CХ асосида ҳам кўплаб яратилган. 1970 йилда ишлаб чиқарилган Citroen 1977 йилда ғилдиракли уйга айлантирилган. 2005 йилда қайта таъмирланган автомобиль 2015 йилда аукционда сотилган
Ford Fairlane
Фото: «Мотор»Ғлдиракли уй дастлаб 1960 йилда Австралия бозори учун ишлаб чиқарилган оддий седан бўлган. Бортида телевизор, плита, совутгич ва душ қурилмаси бўлган автомобиль деярли бутун Австралияни кезиб чиққан.
Trabant 601 Wohnmobil Luxus
Фото: «Мотор»Wohnmobil Luxus’нинг ўзига хос хусусияти шундаки, унинг қўшимча орқа ўқи бор. Шунингдек, салондан плита ва сув жўмраги ҳам жой олган.
Honda Vamos Hobio Solar Eco Camper
Фото: «Мотор»Honda Vamos асосида яратилган машинанинг томида қуёш батареяси ўрнатилган. Унинг ҳисобига автомобиль салонидаги телевизор ва мустақил кондиционер ишлайди.
Hunt House Car
Фото: «Мотор»1937 йилда яратилган ғилдиракли уй ўз муаллифининг фамилияси билан аталади. Муаллиф қарийб 50 та шундай автомобиль яратган. Автомобилнинг ўзига хос хусусияти шундаки, унда биринчи марта шахсий транспорт воситасидаги душ қурилмаси ўрнатилган. Шу билан бирга, салонда плита, ҳожатхона, катта каравот бўлган. Машинага эса юк ташувчи Ford хизмат қилган.
Ultra Van
Фото: «Мотор»Ultra Ван ғилдиракли уйи Chevrolet Corvair асосида 1968—1970 йилларда Дэвид Петерсон томонидан ишлаб чиқилган. Машина ичида иккита хона ва аъло даражадаги аудиотизим бор.
Sааb 95HK
Фото: «Мотор»
Бу кўринишдаги автомобиль дунёдаги атиги иккита бўлиб, иккаласи ҳам Торстен Йохансен томонидан яратилган. Биринчиси 92H, иккинчис эса 95H номини олган. Машина кузови алюминийдан, салон эса ёғочдан ясалган.
Изоҳ (0)