«Тошшаҳартрансхизмат» компанияси манфаатдор вазирликлар ҳамда идоралар билан ҳамкорликда Тошкент шаҳри йўловчи ташиш транспортини ривожлантириш бўйича 2030 йилгача бўлган концепциясини ишлаб чиқмоқда.
«Тошкент шаҳри йўловчи ташиш транспорти мажмуасини ривожлантиришда биринчи навбатда йўловчиларга қуллайликлар яратиш асосий эътиборга олинганидан келиб чиқиб, йўловчи ташиш транспортини ривожлантиришга оид фикр-мулоҳазалар, таклифларингизни киритишни сўраймиз, шунингдек, хорижий мутахассисларнинг шаҳар йўловчи ташиш транспортини бошқариш истиқболлари ҳақида тажрибаларини билдиришларини истар эдик», — дейилади компания мурожаатида.
«Муҳтарам йўловчиларимиздан автобусда, метрода ва йўналишли таксиларда йўловчи ташиш соҳасига оид инновацион таклифларни кутиб қоламиз. Сизнинг таклифларингиз шаҳар йўловчи ташиш транспортини ривожлантириш концепциясининг ишлаб чиқишда эътиборга олинади ва баъзиларининг жорий этилиши жонажон шаҳримиз жамоат транспортидаги сафарларимиз давомида барчамизни қувонтириши шубҳасиз», — дея қайд этилган мурожаатда.
Таклифларни 2017 йил 10 июнга қадар concept@tshtx.uz электрон почта манзилига юбориш мумкин (хатда Ф.I.Ш. ва алоқа учун телефон рақами кўрсатилиши керак).
Изоҳ (0)