Fotogalereya: Eng noodatiy g‘ildirakli uylar

Avtomobilda sayohat qilib, unda yashovchi ishqibozlar ko‘plab topiladi. G‘ildirakli uylarning ham ko‘plab turlari va o‘ziga xos ko‘rinishlari bor. “Motor” nashri eng noodatiy g‘ildirakli uylar fotojamlanmasini taqdim etdi.

Rover P5B

O‘z hayotini 1969-yilda oddiy kupe sifatida boshlagan Rover P5B 1971-yilda Caravanette studiyasiga aylantirilgan. 1996-yilda kuzov yaroqsiz holga kelib qolgan va ta’mir uchun jo‘natilgan. Ta’mir jarayonida nafaqat kuzov, balki odam yashaydigan qism ham yangilangan. Unda yangi mebel va zamonaviy gaz plita paydo bo‘ldi. 2015-yilda mashina Buyuk Britaniyadagi auksionda 3,5 ming funt sterlingga sotilgan.

Austin Mini Wildgoose

Wildgoose g‘ildirakli uyi zavodda British Motor Corporation tomonidan ishlab chiqarilgan bo‘lib, oddiy Mini asosida yaratilgan. 1960-yilda ishlab chiqarilgan mashinalarning barchasi keksa juftliklar tomonidan sotib olingan.

Cadillac Eldorado

Eski “kadillak”lar asosida ko‘plab g‘ildirakli uylar qurilgan. Mashina 1985-yilda ishlab chiqarilgan Cadillac Eldorado asosida yaratilgan. Uyning ichida yotish uchun ikkita joy, rakovina va gaz plitasi bor.

Volkswagen Beetle Minihome

Bu ko‘rinishdagi g‘ildirakli uy yaratish uchun ikki ming dollar talab qilinadi. Uy ichida uch kishi uxlashi mumkin. Shuningdek, rakovina va suv uchun bak joylashtirilgan. Loyiha muallifi Robert Rayli hisoblanadi.

Audi 100 Bischofberger

Bischofberger tomonidan yaratilgan g‘ildirakli uy reanimatsiya mashinasiga o‘xshasa ham, o‘ylab topilgan va sinovdan o‘tkazilgan mahsulot hisoblanadi. Uy TUV sertifikatini olgan va Audi tomonidan ma’qullangan.

Citroen DS 21

Gidropnevmatik Citroen asosida yaratilgan g‘ildirakli uyga o‘xshash mashinalar DS va CX asosida ham ko‘plab yaratilgan. 1970-yilda ishlab chiqarilgan Citroen 1977-yilda g‘ildirakli uyga aylantirilgan. 2005-yilda qayta ta’mirlangan avtomobil 2015-yilda auksionda sotilgan

Ford Fairlane

G‘ldirakli uy dastlab 1960-yilda Avstraliya bozori uchun ishlab chiqarilgan oddiy sedan bo‘lgan. Bortida televizor, plita, sovutgich va dush qurilmasi bo‘lgan avtomobil deyarli butun Avstraliyani kezib chiqqan.

Trabant 601 Wohnmobil Luxus

Wohnmobil Luxus’ning o‘ziga xos xususiyati shundaki, uning qo‘shimcha orqa o‘qi bor. Shuningdek, salondan plita va suv jo‘mragi ham joy olgan.

Honda Vamos Hobio Solar Eco Camper

Honda Vamos asosida yaratilgan mashinaning tomida quyosh batareyasi o‘rnatilgan. Uning hisobiga avtomobil salonidagi televizor va mustaqil konditsioner ishlaydi.

Hunt House Car

1937-yilda yaratilgan g‘ildirakli uy o‘z muallifining familiyasi bilan ataladi. Muallif qariyb 50 ta shunday avtomobil yaratgan. Avtomobilning o‘ziga xos xususiyati shundaki, unda birinchi marta shaxsiy transport vositasidagi dush qurilmasi o‘rnatilgan. Shu bilan birga, salonda plita, hojatxona, katta karavot bo‘lgan. Mashinaga esa yuk tashuvchi Ford xizmat qilgan.

Ultra Van

Ultra Van g‘ildirakli uyi Chevrolet Corvair asosida 1968—1970-yillarda Devid Peterson tomonidan ishlab chiqilgan. Mashina ichida ikkita xona va a’lo darajadagi audiotizim bor.

Saab 95HK

Bu ko‘rinishdagi avtomobil dunyodagi atigi ikkita bo‘lib, ikkalasi ham Torsten Yoxansen tomonidan yaratilgan. Birinchisi 92H, ikkinchis esa 95H nomini olgan. Mashina kuzovi alyuminiydan, salon esa yog‘ochdan yasalgan.